【Now財經台】截至早上11時止，1小時內《彭博》用戶搜尋量最多港股，依次為新鴻基地產(00016)、碧桂園(02007)、小米集團(01810)、融創中國(01918)及安踏體育(02020)。
新地昨日(27日)派咗成績表，基礎溢利年增長17%，物業銷售溢利更按年增長23%，但純利按年跌17%，新地股價今早(28日)一度挫逾4%，業績未有明顯復甦訊號，派息冇加碼，《財政預算案》又冇特別利好樓市措施，本港樓市前景係咪仍然未明朗？
大華繼顯執行董事梁偉源指，近期投資者將資金All-In人工智能(AI)及科技相關股，睇返新地財務報告其實都見到有增長，但因為所以發展商都想盡快減少持貨量，所以就調整咗價格，利潤率進一步跌至約15%，所以依家為咗快啲賣樓套現減債，寧願放棄部分利潤率。
Steven又話，雖然新地旗下元朗YOHO Club上半年賣出唔少單位，但售價較低，變相會拖低利潤率，市場依家地產股興趣唔大，始終樓市未有明顯起色，因此，就算新地現金流相對強勁，短期仍難吸引資金。
