【Now財經台】《2024胡潤中國500強》出爐，500強企業總價值升13%至56萬億人仔，睇返行業價值，半導體、傳媒娛樂、消費品及工業生產價值最高，至於仍然冇乜起色嘅內房就跌出十大。今次另一焦點，應該係近期爆紅嘅DeepSeek有冇上榜？
台積電(TSMC)以6.98萬億人仔價值，再次冧莊成為價值最高民企，騰訊控股(00700)就緊隨其後排第2位，價值升20%至3.42萬億人仔，字節跳動(ByteDance)排第3位，價值1.63萬人仔，阿里巴巴(09988)就排第4位，但價值跌2%至1.54萬億人仔。
值得留意係，華為重返十強，排第10位，不過，人氣爆燈嘅DeepSeek就榜上無名，胡潤都有解釋，原因係DeepSeek喺截止之後先打入全球市場。
此外，今次上榜企業之中，有%係上市公司，深交所佔137家，上交所佔122家，港交所(00388)就有106家。
