【槓桿致勝】滙控CALL唔值博

【Now財經台】滙豐控股(00005)業績勝預期，股價持續強勢，今早(25日)一度升1.5%，高見87.15元，之後喺高位上落，暫時喺10天線，即86元水平有支持，市場熱門CALL普遍約10倍槓桿，依家係咪做部署嘅好時機？

胤源世創家族辦公室(香港)第一副總裁黃偉豪指，暫時唔建議投資者做CALL輪部署，因為滙控股價喺業績後已升咗好多，暫時見唔到有好多新催化劑。

佢又話，如果大市出現調整，重磅股之一嘅滙控好難獨善其身，所以唔值得博CALL，建議投資者等股價回落，先再考慮CALL輪或做好倉部署。