【Now財經台】「雪王」蜜雪冰城母公司蜜雪集團(02097)上星期五(21日)開始可以入飛抽，反應非常熱烈，綜合多家券商消息，指集團招股第2日已錄得約10000億元孖展，據公開發售額3.45億元計，已經超額認購差唔多2900倍，暫時以富途借出最多孖展，高達6500億元，今次應該係首次出現有新股單計券商孖展，已「凍資」過萬億元，如無意外，應該可以挑戰史上新股「凍資王」快手(01024)逾12600億元嘅紀錄。
此外，有券商指，已收到逾百張「頂頭槌飛」。
蜜雪集團今次IPO引入5名基石投資者，包括M&G Investments及HHLR Fund等。集團入場費都唔平，每手100股，入場費超過20000元，但入飛反應仍然熱爆，似乎對「雪王」好有信心。
