【now.com財經】上個星期五(2月21日)揀咗隻好倉，喺下半場1零2點鐘嘅時侯，五分鐘圖上見指數忽然向下而被「震走咗」，如果揸到最後嘅話就爽啦，指數入到3點打後連23400點都上到，最後兼用全日高位23,477點收市；不過唔緊要，保持初心，保持正數咁就可以。
依家仲有2分鐘先至完U盤，見住期貨著紅燈，但啲重磅股著緊綠燈。作戰室有戰友手上有過夜淡倉，開始Plan定開市後掟走啲淡倉，皆因指數今日仍然企住喺熊證街貨層，第二層23,500至23,599點已經見重貨區，有相當於1,001張期指，咁近唔借個股推高指數向上再殺，好似有啲對唔住上個星期鋪定路+900點。
開市後指數跌幅有見擴大至逾200點，大夥兒趁嘰掟走淡倉或手快嘅偷一注開市淡倉追落之後，喺五分鐘圖上見指數跌幅開始收窄已經準備棄淡轉好。10點未到指數倒升兼繼續上，熊證首兩層街貨都唔經唔覺地被收回，目標重熊都全數被收回，今日可能都收得工。
望望鐘依家10點14分，見指數喺五分鐘圖上有見重新再借住中軸線上多次23,600點嘍上，但畫畫下喺五分鐘圖畫到個「三角形」出嚟，唉~麻煩啦...唯有向其他方向發展啦。
一直都有留意金價嘅我，間中都有望隻SPDR金ETF(02840)，如果借金價作快炒一趟的話，(02840)其實係一個唔鐘嘅選擇。
S金Call(28625)，行使價2,288.5元，低引伸、高槓桿夠极引，揀佢唔係因為要睇金價上到每盎斯3000美元，而係小時圖見(02840)嘅Slow STC(14.3)想出觸底+保歷加通道口見收窄，有利Swing Trade出現咋。
呢啲市況要搵隻正正常常嘅出嚟做返Swing Trade嘅話，你估易呀！
作者阿珊，以技術分析專心玩輪證，唔貪心，努力賺取我家肥貓罐罐。
想減低Day Trade失敗率?!試吓搵作戰教室幫你，7日免費試用：https://www.patreon.com/join/cbbcwar
