【Now財經台】截至早上11時止，過去1小時內《彭博》用戶搜尋量最多港股，依次為泡泡瑪特(09992)、藥明生物(02269)、阿里健康(00241)、友邦保險(01299)、美團(03690)。
泡泡瑪特假期後重拾升勢，最新獲滙豐證券上調目標價，睇120元以上，係全城最牛，股價今早(14日)一度衝破110元關口，高見112.8元，大升9.1%，喺擁有自創及其他熱賣IP產品加持下，係咪到價在望？若集團發盈喜，股價可唔可以更上層樓？
大華繼顯執行董事梁偉源指，「谷子經濟」之前炒得幾熱，但近期市場焦點轉移至人工智能(AI)、智能駕駛後，呢啲概念股嘅關注度就降溫，但由於最新有大行跟進，認為集團銷售有更大增長空間，並相信內地會制定更多政策刺激內部消費，除咗傳統經濟，「谷子經濟」呢啲新產業都有其吸引力，加上下周五(21日)恒生指數公司將會公布季檢結果，由於泡泡瑪特市值已升至1500億元，市場認為，公司好大機會「柒藍」，所以都吸引唔少資金流入。
Steven又認為，泡泡瑪特股價已升至高位，即使發盈喜，都唔會對股價有太大推動力。
