【Now財經台】吉利汽車(00175)去年總銷量約217萬架，按年增長25%，創歷史新高。集團今年目標係新能源車業務全面實現盈利，新能源車業務今年可唔可以全面扭虧？比亞迪股份(01211)最新發布嘅智能駕駛系統「天神之眼」對吉利嘅影響有幾大？
天風國際證券經紀業務部董事李偉傑指，吉利今年1月汽車銷售唔錯，按年及按月分別增長逾25%及27%，但市場憂慮集團未來或會畀比亞迪搶走部分生意。
Jason又話，內地汽車行業除咗面對車企之間嘅競爭，亦要面對市民消費力嘅不確定性，因為內地經濟受壓，難免會而影響市民消費力。此外，比亞迪平價車款未來亦會搭載智駕系統「天神之眼」，令車企毛利未來會面對一定挑戰，對吉利來講，最重要係保持毛利，增長先可以睇高少少。
