【Now財經台】美團(03690)第3季多賺2.5倍，超預期，但大行睇法分歧，高盛、野村、摩根士丹利喺業績後削美團目標價至200元及212元，不過，摩根大通大幅上調目標價逾40%，最新睇200元。美團股價今日(2日)低開5%，並受制於10天線，美團係今朝資金流入最多嘅個股，好倉5日合共有1900萬元坐貨，睇返股價表現，投資者似乎對美團呢份季績唔係好收貨。
滙豐亞太區財富管理香港上市產品銷售經理盧貴良指，美團季績好過預期，經調整溢利大升1.2倍，股價今朝低開逾5%，但落到160元開始有承接力，並收復部分失地。業績後，美團引伸波幅穩定，投資者部署好倉時會揀CALL為主。
Daniel續指，今日資金流入最多嘅CALL係行使價270元，明年4月到期，實際槓桿做到7倍。如果覺得270元比較價外，投資者可以揀較保守，行使價234元嘅CALL，明年3月到期，比較短身，實際槓桿都做到7倍。
