【Now財經台】吉利汽車(00175)股價昨日(28日)急升近5%，今日(29日)輕微高開後，走勢反覆。吉利CALL選擇都唔少，價外10%至40%都有，槓桿3倍至4倍，年期方面都有中長身嘅CALL，短身CALL係咪較值博？
星展香港環球金融市場上市產品主管周國威表示，行使價15至19元嘅吉利CALL都有人揀，4月至10月到期。如果投資者如果想搵個平衡，可以考慮價外幅度較大，行使價18至19元，槓桿有4倍，明年7月至10月到期嘅CALL。
佢續指，吉利股價上月明顯跑贏恒生指數，投資者可以順住個勢炒CALL輪及部署強勢股，揀年期長但價外幅度較大嘅CALL，取得槓桿平衡，博有延續強勢嘅升勢。
