【Now財經台】有西方媒體質疑，香港無視美國正制裁俄羅斯，喺去年8月至12月期間，向俄羅斯運送違禁貨物，又喺俄烏戰事中向俄羅斯提供大量資金支援，而俄羅斯亦跟香港政府開拓投資機遇，呢啲事件會唔會令美國進一步改變對港政策？
資深銀行家劉卓衡指，美國政客普遍認為，當美國制裁某個國家，其他地方就要跟隊，如果唔跟就一併制裁。其實美俄之間嘅制裁行動，作為第3方嘅香港冇必要跟隨，需要有本身嘅獨立判斷，反而國際組織如聯合國嘅制裁就要跟，依家香港及內地都係奉行呢個原則，所以冇需要因為美國制裁俄羅斯，香港就唔同佢做生意。
劉卓衡續指，美國作為全球最大嘅資本市場，以及最強經濟和軍力大國，要制裁俄羅斯動用嘅權力一定唔細，不論香港跟唔跟，美國都會打壓中國，因為唔想中國強大，唔希望人民幣國際化，呢啲會挑戰美國喺國際上嘅地位，所以依家係處於博弈時間，未來一兩年非常重要。
