【Now財經台】美國候任總統特朗普(Donald Trump)嘅關稅政策搞到唔少國家好頭痛，佢之前已經打咗「開口牌」，話上任後即加中國關稅，「鄰居」加拿大及墨西哥更要硬啃25%關稅，唔少企業擔心會遭殃，包括香港人最愛品牌之一，依家有約30%貨品來自包括中國在內亞洲國家，餘下70%來自歐洲嘅宜家(IKEA)。
據外媒引述擁有大部分IKEA門市嘅Ingka集團財務總監指，如果特朗普真係落實佢嘅關稅政策，IKEA就更難維持低價，但會繼續同唔同國家嘅政府及其供應鏈合作，盡力減低關稅影響，確保公司產品價格合理。
唔少香港人都鍾意用IKEA嘅產品，除咗鍾意佢嘅簡約設計，亦因為價格仍算合理，一旦因為美國加關稅，要消費者幫手「分擔下」，唔多唔少都會影響產品性價比。
