【Now財經台】美國候任總統特朗普(Donald Trump)指，喺明年1月20日上任後會立刻簽行政命令，額外加中國貨10%關税，到底特朗普最終會加中國貨幾多關稅？加到競選時所講嘅60%機會有幾大？
瑞士隆奧集團投資組合亞洲主管邵志銘認為，特朗普係一個做deal嘅人，未來6至9個月，甚至1年，會喺加關税嘅重要時間點，由於佢可能會拉長兩年去加，期間有好多交易性溝通，例如透過中國買美國產品減低貿易赤字，都會改變特朗普加關税嘅時間點及份量。
Jack續指，喺呢個交易性環境下，美國通脹前景唔明朗，如果將加30%至60%關税嘅時間，延長至12至18個月，甚至2年時間，都會改變美國通脹時間點，並會改變聯儲局減息速度，所以加到60%嘅時間點仍然不明朗。
