【Now財經台】滙豐控股(00005)今日(29日)中午出咗第3季業績，稅前多賺近10%至84億美元，高過預期，整體表現向好，但淨息差收窄24點子至1.46%，淨利息收入跌17%，呢兩條數係咪表現麻麻？
華盛證券財富管理部董事李偉傑認為，淨息差收窄在所難免，並有機會再惡化，所以要觀察集團未來可唔可以透過基本業務及結構性改變，去抵銷淨息差收窄嘅影響，而低息環境可帶動樓市，相信可以進一步抵銷息差收窄嘅影響。佢又話，如果盈利能持續增長，持續派息嘅可能性亦較大。
收入方面，Jason指出，滙控其他業務如工商金融及「炒房」表現都唔錯，因此，除咗靠費用收益帶動外，其他業務都需要做好，先可以彌補淨利息收入下降。
