【專家分析】美股單日轉向將成常態

【Now財經台】今日(28日)係美國感恩節，金融市場休市，明日(29日)「黑色星期五」(Black Friday)美股又會提早收市，美股3大指數昨晚(27日)喺假期前夕向下，被聯儲局視為關鍵通脹指標嘅10月核心個人消費支出(PCE)物價指數一如預期升溫，到底美股喺今年餘下時間會點走？

鴻鵠資產管理行政總裁陸庭龍指，美股表現好過其他市場，原因係經濟前景樂觀，特朗普(Donald Trump)高票贏出美國總統大選及聯儲局啟動減息周期，都利好美股，亦喺過去兩個月完全反映咗，帶動美股3大指數喺呢段時間不斷破頂。

Alan續指，之前市場擔心減稅會增加開支，繼而令通脹再度升溫，因此，只要呢段時間有似樣嘅通脹數據出現，對市場嚟講已經算係中性，反而愈接近特朗普重返白宮，市場會觀望幾時落實佢嘅政策，並會慢慢price in到市場，佢估計，美股3大指數單日轉向嘅情況會成為常態。