【輪證贏家】加價為減價；抽高為回調

【now.com財經】噚日揀咗隻恒指熊(61741)出嚟，平均買入價為0.048元，但同時set好指數喺午後嘅五分鐘圖再唔穿中軸嘅話，點都要走人。

出文後計喺2點搭正指數落多一次到中軸，但再一次唔穿，(61741)無得再留，同時都mark住指數有似借保歷加頂線至中軸作Swing trade運行，(61741)立斬。

一如平時用返10分鐘作為走貨時間的話，期內(61741)高低位做過0.044元/0.043元，平均走貨價為0.0435元，呢一注平均輸4.5格或10.34%。反正月尾就嚟埋數，唯有呢兩日手緊少少。

立斬都真係無錯，指數噚日2點打後忽然爆上，還好見19,400點稍作休息時拿拿聲同戰友手拖手一齊上車，架車多人到好似印度搭巴士咁，不過最後大家都喺19,600點樓上落到車，呢一Round補晒負數嗰注熊仔有凸。

望望月曆，11月28日，係湊大我嘅婆婆一年忌日，原年一年都過得真係幾快，好似做咗好多嘢但又好似乜都無做過咁，同條恒指一樣，上月做過23,241點好似好勁，但年初至今都只係升2,556點，嗯，希望你可以保持到，唔好再被人話係廢港女。

指數今朝開市跌44點後，一度跌幅擴大至過百點，還好暫時見小時圖嘅50線接一接住指數，不過小時圖嘅Slow STC(14.3)都已經見觸頂向下，依家9點49分，作戰室第一注已經爬完格仔，等嘅係五分鐘圖中軸擋路的話，咁即係10點後嘅小時圖有機會重新再壓過50線。

恒指熊(61646)，收回價19938點，企高於重熊區就可以啦，同現價都有460點距離架，槓桿約34.8倍夠做Day Trade。

同噚日一樣依家仲有6分鐘就到10點，五分鐘圖見指數率先被中軸擋路向下，如果小時圖未見確認穿得過50線的話，反過來小心指數於開始平衡嘅五分鐘圖保歷加裡面玩Swing，咁到時隻(61646)用返Slow STC(14.3)行Swing啦！

作者阿珊，以技術分析專心玩輪證，唔貪心，努力賺取我家肥貓罐罐。

Patreon作戰教室七日免費體驗：https://www.patreon.com/join/cbbcwar