【Now財經台】截至早上11時止，1小時內《彭博》用戶搜尋量最多港股，依次為長和(00001)、瑞聲科技(02018)、聯想集團(09992) 、快手(01024)及美團(03690)。
瑞聲及聯想分別比摩根大通、摩根士丹利點名，話喺中美貿易戰下投資者要盡量避開，但其實佢哋股價表現唔差，呢兩日都有得升，係咪代表中美再爆貿易戰都影響唔大？
資深證券分析師彭偉新表示，對比戴爾(Dell)及惠普(HP)，依家聯想嘅市盈率(PE)貴好多，未來要睇內地會唔會推更多措施，幫聯想維持喺人工智能(AI)領域嘅領先地位，同埋研發硬件，而唔係單睇人工智能個人電腦(AI PC)，Castor又提醒，依家聯想估值太貴，必須小心。
瑞聲方面，Castor認為，集團係iPhone部件最大供應商，市場會留意iPhone銷售好唔好，再評估瑞聲股價走勢，之前市場炒作蘋果公司(Apple Inc.)嘅Apple Intelligent，未來要留意中美關係會唔會影響AI發展，因為美國有機會禁止Apple喺內地推出Apple Intelligent。
