【Now財經台】截至早上11時止，過去1小時內《彭博》用戶搜尋量最多港股，依次為長和(00001)、金沙中國(01928)、資本策略地產(00497)、海底撈(06862)及銀河娛樂(00027)。
金沙及銀娛股價今早(3日)一度急插約7%，主要受上月賭收疲弱拖累，賭股喺放農曆假期前炒過一轉，主要係有唔少報道及大行話澳門酒店預訂爆滿，今個月又點睇？
富昌證券聯席董事譚朗蔚指，酒店預訂爆滿同會唔會入賭場冇必然關係，令上月賭收爆冷按年跌5.6%，加上金沙、銀娛股價走勢之前已經轉差，技術上已出現「死亡交叉」，而賭股都算係消費及內需板塊之一，所以佢建議唔好咁快判斷2月係咪旺季，等數據及內地整體氣氛回穩回升再做部署。
Steven補充，數據連月轉差一定會限制股價反彈幅度，因此，佢建議現階段唔好吸納金沙，等股價上返19元水平，真係有回穩跡象先再做部署。
