【專家分析】永輝超市想突圍轉型係第1步

【Now財經台】名創優品(09896)9月底突然宣布收購永輝超市近30%股權，拖累股價當日急瀉30%。不過，永輝最近部分分店做「關店調改」，更自稱「首家學習胖東來模式」，市場反應又唔錯，又計劃明年將調改店增至逾百家，甚至預期同名創喺知識產權(IP)方面有合作，係咪可以憧憬永輝未來可以為名創帶嚟巨額收入貢獻？

亨達財富管理董事總經理姚浩然指，市場當初關注名創入主永輝，會唔會令永輝出現變革，現時永輝開始學習胖東來嘅商業模式，例如透過調改店嚟抗衡沃爾瑪(Walmart)及山姆超市。

Patrick又話，單純換咗母公司對永輝冇乜作用，而係需要實質改革。佢認為，推出調改店後，依家永輝嘅顧客體驗，以至其他方面都令人滿意，加上現時有唔少外企進駐內地，開始積極轉型係突圍嘅第一步。