【Now財經台】截至早上11時止，1小時內《彭博》用戶搜尋量最多嘅港股，依次為藥明生物(02269)、地平線機器人(09660)、新世界發展(00017)、金莎中國(01928)及新鴻基地產(00016)。
藥明生物今日(24日)股價半日跌近9%，一度低見23.15元，美國總統特朗普(Donald Trump)上周五(21日)簽署一份國家安全備忘錄，要求限制中國對美國戰略、科技等關鍵領域投資，又傳佢考慮喺半導體及生科技術等領域，對華投資再實施新限制，藥明生物股價今朝大跌，係咪同美國對華政策有關？
富昌證券聯席董事譚朗蔚指，美國對華限制多年嚟都係焦點，自特朗普首個任期開始，美國一直都有出手打壓中國，所以都唔係新鮮事。
Stevan又提醒，以上提及嘅板塊持續有潛在相關風險，建議投資者避一避，做部署時亦唔適宜太進取。雖然藥物生物股價今日大跌，但仍算係強勢，只要股價可以守住22元水平，相信仍可維持到過去3個月嘅升勢，但只宜短炒，始終長遠嚟講呢類股份隨時要捱沽。
