【Now財經台】渣打集團(02888)今日(21日)中午派咗去年成績表，全年收入創新高，財富管理業務都做得唔錯，收入按年增長29%，環球市場業務增長都有雙位數，除稅前就多賺20%，淨息差都升咗27個基點至1.94%，如果單睇去年第4季，表現更強勁，渣打呢份成績表係咪冇乜嘢可以挑剔？
亨達財富管理董事總經理姚浩然指，渣打盈利增長非常理想，總經營收入按年增長14%至197億美元，創新高，淨利息收入按年增長10%，非利息收入更按年增長20%，總經營收入增長遠高於經營支出，信貸減值增%，而整體資本充足比率達14.2%，高過集團目標範圍13%至14%。
Patrick又認為，雖然渣打資本充足比率14.2%低過滙豐控股(00005)嘅14.9%，但相對整體國際銀行已經好理想，雖然渣打計劃斥資15億美元回購，金額少過滙控，但由於公司規模相對細，所以回購成效會較顯著。
