【Now財經台】美國總統特朗普(Donald Trump)喺向加拿大及墨西哥加關稅「死線」前，突然話推遲1個月先實施，又話可能喺24小時內，就關稅問題同中國傾，摩根士丹利昨日(3日)喺加關稅前夕出咗個List，呼籲投資者避開有重大關稅風險敞口嘅股份，港股嘅比亞迪電子(00285)及創科實業(00669)等都上榜，投資者應該點部署？
高富金融集團投資總監梁偉民指，美國關稅陰霾短期會繼續困擾港股，就算依家市場睇得比較樂觀，憧憬中美有機會傾掂數，但唔代表美國今年內唔會加中國關稅，因為中國嘅情況唔同加拿大及墨西哥，唔一定有得傾，因此，暫時睇唔到A股及港股有特別利好因素。
Wyman又指，人仔走勢都會影響港股，但今早(4日)人仔仍然偏弱，喺7.3以下水平，都不利港股表現，所以人仔一日未擺脫貶值壓力，港股都好難顯著上升。
