【Now財經台】港交所(00388)好淡倉已連續第3日有資金流入，有逾1300萬元資金坐貨，港交所股價近期受制於10天線，今朝(28日)走勢反覆，一度低見285.6元，跌1.7%，若想博反彈，用牛證還是短身CALL較可取？
中信里昂股權衍生品銷售經理李佳原指，如果部署牛證，即使收回價距離現價10%，一旦出現風險事故，假設港交所股價跌7%，到時收回價僅相差3%，會好難處理。
Sam續指，相反，港交所價外短線CALL槓桿5倍，如果長身CALL明年12月到期，槓桿都有4倍，其實同短身產品差唔多，所以近期投資者都較多部署長身CALL，相信係認為現時估值及股價都吸引，所以用防守力較好嘅產品做部署，一旦短線有影響市場情緒嘅消息出現，導致大市急挫，坐到貨嘅容忍度都會高啲。
