【上市第2日】招股價終於頂唔住 順豐散戶要有「獅子山精神」？

【Now財經台】今年第2大新股順豐控股(06936)昨日(27日)首掛，股價爆冷炒唔起，更一度要力頂招股價，最終只係平收，報34.3元。

順豐股價今早(28日)平開，開市報34.3元，之後一直冇起色，早上10點以後終於失守招股價，一度低見32.1元，跌6.4%，最新報33.1元。

順豐昨日上市，創辦人兼董事長王衞都有現身，喺香港長大嘅佢，喺致辭尾段更憑《獅子山下》歌詞寄意，抽到順豐嘅散戶似乎都要有「獅子山精神」，對股價終於「破發」無畏無懼。