【now.com財經】依家9點13分，睇返指數日線圖，成個10月Hea住喺20,000點成個月，11月打後向下落到依家11月未完架，計埋今日都叫做仲有三個交易日架，一個月時間向下回落咗1000點，到19,000點，跟住入12月粉飾窗櫥，穩穩定定地行多兩個星期再進入收爐mode，今個2024年就完啦。
預想圖嚟架啫，但如果真係咁行嘅話，咁喺日線圖上指數應該可以喺10線同100/150線之間再磨多三個星期就可以功成身退，反正Slow STC(14.3)都落個位數嘅超賣位，少少回住但唔抽得高就可以Hea住條指數喺現水平位置。
而噚日揀咗小米(01810)淡倉小米熊(54829)，本身係諗住等指數向下回落返去小時圖27蚊/接近「平底」位有再向下突破的話先至出場，但睇返噚日小米嘅走勢，一支大陰向下之後就Keep住低幅度運行，未失「平底」之下所以無位出到隻(54829)。
至於今朝恒指開市報19,187點，升27點；唯指數呢幾日開市後都係以低點數運行，技術上的確係有條件出好倉博觸底向上，至少呢一刻見小 時圖保歷加通道口收窄+Slow STC(14.3)，Swing Trade玩法都仲係條件出現；但真係指數同下牛證實在太近，而且第一層19,000至19,099點嘅牛證亦都係重牛位，呢層有相當於900幾張期指街貨，技術 VS 街貨，你話啦，往績計邊個贏嘅多？
恒指熊(61741)，收回價19,680點，同現價有約480點距離，企遠啲安全啲，槓桿有約33.7倍都唔差架，等小時圖中軸唔過，指遇阻再向下行嘅先至出手。
仲有4分鐘，10點。
作者阿珊，以技術分析專心玩輪證，唔貪心，努力賺取我家肥貓罐罐。
Patreon作戰教室七日免費體驗：https://www.patreon.com/join/cbbcwar
