【名家給力場】首程轉型食AI條水明智？

【Now財經台】首程控股(00697)分別喺上周五(21日)及今日(24日)出咗通告，暗示公司想轉型發展機械人產業，當中提到集團所屬嘅首程資本旗下管理嘅北京機器人基金，近日投資自變量公司，自變量公司係一家專注具身智能通用大模型研發嘅高科技企業，應該點解讀公司呢兩份通告？首程想轉型實際上可唔可行？

《香港股票財技密碼》作者梁杰文指，相信今次首程係想透過頻密發通告搶市場焦點，並希望市場可以重新關注公司其實唔止有停車場、產業園區管理等沉悶嘅業務，亦喺機械人產業、人工智能(AI)領域下功夫及投資。

Mike又話，首程亦希望為之後成立嘅專業投資基金鋪路，因為AI開始步入收成期，帶挈唔少相關概念股股價大升，而中國機械人相關行業係全球較有競爭力嘅行業之一，如果之後喺呢個背景下進行集資，會利好公司長遠發展。