【FINTERVIEW】「特」式關稅風暴打殘全球經濟

【Now財經台】美國已經喺2月1日簽署行政命令，向墨西哥及加拿大貨品加25%關稅，中國就加10%，加拿大隨即「報復」，向美國商品徵25%關稅，墨西哥及中國亦都表明會報復，全球新一輪關稅戰正式開打，今次同上次嘅貿易戰有咩唔同？

富邦銀行(香港)投資策略及研究部主管潘國光指，特朗普喺上個任期嘅4年間，都係瞄準中國，但今次連加拿大、墨西哥都有份，向原本有自貿協議，以及多年以嚟喺貿易、經濟及政治方面嘅親密盟友「開刀」，所以市場唔止擔心中美關係咁簡單。

Vicks又指，依家美國長息跌緊，反映美股擔心美國及加墨經濟，因為加關稅對加墨經濟造成好大打擊，原因係加墨對美國嘅依賴度好高，加上中美鬥爭，一定會拖低全球經濟。佢補充，一旦關稅戰影響通脹，可能只係加息或通脹升溫，但如果出現滯脹，就會令包括美國在內嘅全球經濟轉弱。