【專家分析】順豐IPO抽中宜止賺再換馬因為...

【Now財經台】公開招股超額認購78倍，內地物流龍頭順豐控股(6936)今日(27日)上市，值得留意係暗盤價昨日(26日)高開後回軟，而順豐A股昨日收市就微升，H股招股價34.3元，較A股昨日收市價有逾20%折讓，如果H股今朝首掛表現對辦，抽到嘅「幸運兒」係咪要止賺？

潤淼資產管理董事盧志威指，順豐定價唔算高，問題係同華潤飲料(02460)及美的集團(00300)當日比較，依家市況係差咗，所以表現好難直接比較，佢估計，順豐短期好難有突出嘅表現，長線就留意公司有咩發展，始終都係龍頭企業，如果抽中，短線都有得賺，不如考慮食糊套現再買另一隻股份。