【槓桿致勝】阿里博反彈空間唔大

【Now財經台】連日有資金入場博阿里巴巴(09988)反彈，至今已有逾4000萬元資金坐貨，阿里股價今日(26日)連續第2日向上，今朝一度高見84.25元，升近3%，後市仲有幾多反彈空間？好倉應該點部署？

胤源世創家族辦公室(香港)第一副總裁黃偉豪指，阿里股價自10月高位，即120元水平回調至現時約83元，回調幅度都唔細，加上公司早前進行業務重組及發債，都對股價有影響，但近期股價都守得住250天線，即77.4元水平，如果想部署好倉博反彈，呢個位置係關鍵，建議投資者將牛證收回價擺喺250天線樓下。

Ravi續指，阿里呢浸反彈只係之前跌得多嘅技術性反彈，因為投資者對市況及公司都比較審慎。佢估計，阿里股價初步阻力喺90元水平，亦係一個唔錯嘅獲利位置。