【專家分析】食Trump Trade條水玩Bitcoin宜小注

【Now財經台】轉軚變成加密貨幣大好友嘅特朗普(Donald Trump)好快就重返白宮，仲話之後會破天荒新設1個同加密幣相關嘅官職，另一方面，據《彭博》報道，華爾街準備推出新一代加密貨幣相關交易所買賣基金(ETF)，現時加密貨幣市場規模已高達3.2萬億美元，喺呢啲背景下，依家係咪吸納加密幣嘅好時機？

高富金融集團投資總監梁偉民指，比特幣(Bitcoin)價格喺特朗普當選後唔夠1個月已累升逾30%，反映加密幣近期的確十分强勢，但投資者必須留意，就係加密幣好難估值，因為唔似上市公司股份，可以用收入及資產作出合理估值，加密幣一般由市場情緒主導，係1種投機味好重嘅工具。

如果投資者想玩Bitcoin，Wyman建議要抱投機心態，注碼不妨細啲，同埋要留意風險控制。